Berrikuntza ardatz, El Sol publizitate jaialdia gaur hasiko da

U.U. -

2016ko ekainak 2
El Sol nazioarteko publizitate jaialdia egingo dute Bilbon, gaur hasi eta larunbatera bitartean. Jaialdiak hiru urtean behin berritzen du proiektua, eta antolatzaileek azaldu dute 2014-2016 epean parte hartzea nabarmen hazi dela. Latinoamerikako herrialdeetako agentziek aurkeztutako lanen kopurua %19,7 hazi da hiru urteotan. Parte hartuko duten agentzien kopurua, berriz, %17,7 handiagoa da duela hiru urte baino.

Aurten, egitarauko hitzaldi guztietan berrikuntza jorratuko dute, ikuspuntu anitzetatik. Gaur, bi mahai inguru egingo dituzte: Gure industria sexista al da? gaiari erantzungo diote Euskalduna jauregian (16:45); eta berrikuntza dantzaren, artearen eta publizitatearen ikuspuntutik aztertuko dute Guggenheim museoan (20:15).

2017-2019 epean, jaialdiak Bilbon jarraituko du, eta Jordi Palomar izango da zuzendaria, gaur egun bezala. Datozen urteei begira, jaialdiko eremu guztietan emakumeen presentzia ugaritzeko plan bat jarriko dute martxan; nahiz eta agentzietan emakume askok lan egin, zuzendari karguetan oso gutxi daude. Bestetik, nazioarteko tailer eta mahai inguru gehiago antolatuko dituzte, industriarentzat jaialdia erakargarriago egiteko asmoz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna