Gizon bat atzeman dute «terrorismoa» goratzeagatik
Xabier Otegi tolosarra atxilotu zuen atzo Guardia Zibilak, maiatzaren 8an Info7 irrati katean AHTari buruzko solasaldian «terrorismoa» goratzea leporatuta. Guardia Zibilaren eskuetan dago, eta gaur epailearen aurrera eraman dezakete. Etxean atzeman zuten, Tolosan. EH Bilduk esan du adierazpen askatasunaren aurkakoa dela atxiloketa. «Ez du justifikaziorik. Pertsona bat elkarrizketa batean adierazitakoagatik etxetik eramateak eta atxilotzeak ez dauka zentzurik, ez da onargarria. Non dago arriskua? Zein da pertsona hori Guardia Zibilak etxetik ateratzeko arrazoia? Delitu aztarnarik balego ez al da nahikoa pertsona hori epaitegietara deitzea?».
Iruzkinak
Ez dago iruzkinik
Ordenatu