Kanaldudek bere antena zabalduko du astero zuzeneko emanaldientzat

U.U. -

2016ko urriak 8
Zuzeneko telebista emanaldiak egin nahi dituzten euskaldun guztiei baliabide teknikoak eskainiko dizkie Kanaldude telebistak hemendik aurrera. Hilaren 20an hasiko dira zuzeneko emanaldi irekiak egiten, eta ostegunero emitituko dituzte, 19:00etan. Kanaldudek jakinarazi du emanaldi horiek izan daitezkeela kirol arlokoak, kulturakoak, gizarte gaiei lotuak, aisialdikoak edo interesa izan dezakeen edozein gairen ingurukoak. Horretarako, Kanalduderekin jarri behar da harremanetan, eta informazio gehiago eskura daiteke pantxika @aldudarrak-bideo.com helbide elektronikora idatzita.

Kanaldudek azkeneko bi urteetan indartu du zuzenekoak egiteko gaitasuna. Lehenik Korrika19ren hainbat zuzeneko egin zituzten, eta ondotik iritsi ziren 2015eko Herri Urrats, Mugi daitezen harriak presoen eskubideen aldeko manifestazioa, Kantatuz ekimena Durangoko Azokatik, immigrazioari buruzko hitzaldiak Uztaritzetik (Lapurdi) eta Hergarai bizi besta (Lekunberri, Nafarroa Beherea), besteak beste.

Kanaldudek dio egun zuzenekoak eskaintzeko gaitasuna duela, «edozein lekutatik edozein ordutan». Gaurko telebista jeneralistan ez du sinesten Kanaldudek: «Osorik herritarren esku jartzen den telebista bat dugu amesten».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna