HITZ ETZANAK

On

Andoni Egaña -

2018ko maiatzak 4
Grazia egiten zigun eta ulertzen genuen, nahiz esamoldea berria zen ia erabat euskaraz bizi ginen umeontzat. Gazteleraz ere garai hartan gutxi batzuek baino ez zuten erabiliko. Aurrendari izan zen Imanol Urbieta pedagogia kontu askotan. Hizkuntzaren erabileran ere bai. Ikasgelan norbait gainerakoen erritmoari ezin eutsiz harrapatzen zuelarik «entxufatu hadi, motel!» egiten zion oihu eta guri grazia egiten zigun, entxufea baitzen bi zulodun zera hura, artean urri ziren etxeko elektrogailuak abian ipintzeko baliatzen genuena. Tarteka gogorarazten zigun honako edo halako ikasle ez zela besteak baino motelagoa berez, entxufatzea soilik falta zitzaiola, eta hartara bestelako begirune bat lortzen zuten ikasleok gure begietara.

Mende erdia igarota, erabat jiratu da egoera. Orain umeak «deskonektatu» beharra dugu aipagai. Era bateko edo besteko pantailen aurrean ematen dituzten ordu ugarien ondorioz derrigorrezkotzat jotzen da aisiarterako joera batzuk aldatzea. Ipar Euskal Herriko hamabi ikastetxek «10 egunez pantailak utzi» izeneko desafioari ekingo diote helburu horrekin. Horrek, jakina, eskola bera hainbat edo gehiago behartzen ditu familiak…

«Ez naiz nor zure etxean sartzeko, baina...» elkarrekin daramagu umeon heziketa. Zorte on!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna