Albistea entzun

HITZ ETZANAK

Altuera

Andoni Egaña -

2018ko ekainak 14

Himalaia edo Karakorum mendikateak beti irudikatu izan ditut oso iparraldera. Guretzat, niretzat behintzat bai, elurra, izotza eta horrelakoak iparraldera dira. Punta-puntako mendizale batek irekiarazi zizkidan begiak. «Badakik pertsona zergatik igo daitekeen, esaterako, Everesten gailurrera?». Prestakuntza fisikoa eta psikologikoa, materialen hobekuntza, informazio pilaketa... aipatu nizkion erantzunean. Barre-murritxa egin, eta bota zidan: «Kanaria uharteen latitudetik hurbilago dagoelako Euskal Herriarenetik baino. Everest Parisen latitude berean balego ez huke pertsona ia bederatzi mila metroko altuera horretara igo ahal izango». Nire mundu-mapa mentalari buruzko eskemak apurtu zizkidan.

Mediterraneo itsasoa, niretzat behintzat bai, gurearen aldean itsaso urdina zen, argitsua, barea... Orain, Aquarius ontzia dela eta, astelehen-astearte gaueko irudiak ikusi ahal izan ditugu, hango olatu, hango haize, hango intziri... Eta hura ez zen umetan ikasi genuen «bateltxoa kulunkan itsas-urdinean». Beste muturreko bat eraikitako mapa-mentalei. Latitudeak direnak dira, gure usteak oker ibili arren. Altuera, ordea, bakoitzak kokatzen du nahi duen lekuan. Goi samarrean ipintzea komeniko litzaioke Europari...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.