HITZ ETZANAK

Aza-hostoak

Andoni Egaña -

2018ko apirilak 1
Hozkia sortzen du handiaren harrotasunak. Handiarena bada, harrokeria delako, segur aski. Handiek harrotasun konpartituaren izenean egingo dituzte txikiziorik handienak. Bizirauteko lain juxtu daukan estatubatuar bat imajinatzen dut, harro, komeni zaiola uste duen bizimodu baten defentsan berak ordaindutako soldaduek herrialde urrunetan jendea garbitu izana txalotuz.

Inozoaren harrotasunak auzo-lotsa sortzen du. Ezagutu nuen pertsona bat bere identitateaz oso harro zegoena. Ez zen kantari ona. Ez zen aktore txukuna. Ez zen ia ezer, baina harro azaltzen zen nonahi, Campo de Criptanan, Ciudad Realen, jaioa zelako Sara Montiel bezala. Kasualitatean babestu nahiago zuen bere bidea egin baino.

Ukatuaren harrotasunak, gureak esaterako, ez dakit zer sortzen duen. Etikoki harrotasun duinagoa iruditzen zait, ordea, handiarena edo inozoarena baino. Aberria. «Aberria bizi-ardatz hartzea duk komuneko paper fin-finak dauden garaiotan ipurdia aza-hostoekin garbitu nahi izatearen pareko zerbait!», bota zidan behin adiskide batek. «Hori bai: gauza bat bazagok hori baino askoz okerragoa. Inork ipurdia aza-hostoekin garbitu nahi balu beste norbaitek galaraztea, bere aza-hostoak bukatuko zaizkion beldurrez!», erantsi zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna