ETB3k '3txulo' estreinatuko du otsailaren amaieran

Haurrentzako saio fikzionatua egunean hiru aldiz emango dute.

Baleuko etxearen saioa otsailaren 8an hasiko dira grabatzen
Zuriñe Hidalgok Ixabelena egingo du, eta oraina irudikatuko du.
Zuriñe Hidalgok Ixabelena egingo du, eta oraina irudikatuko du. IDOIA ZABALETA / ARP

Urtzi Urkizu -

2016ko urtarrilak 30
Abenduan amaitu zen ETBko Sorgintxulo saioa, eta programako kideek nabarmendu dute neska-mutil askorengana iristea lortu zutela. Haurrentzako saio berri bat ari da prestatzen orain Euskal Telebista: 3txulo. Telesail baten modukoa izango da, fikzionatua, eta otsailaren amaieran estreinatuko dute ETB3n; grabaketak otsailaren 8an hasiko dituzte, Miramonen.

Etxe batean gertatzen direnak jasoko ditu saioak. Hiru pertsonaia protagonista izango dira: Laura (Amancay Gaztañaga), Bittor (Iker Galartza) eta Ixabel (Zuriñe Hidalgo). Etorkizunetik dator Laura, iraganetik Bittor, eta oraina irudikatzen du Ixabelek. Horien abenturak eta elkarbizitza kontatuko du Baleuko ekoizpen etxearen programak. Gainera, bi galtzerdi izango dira, eta Sorgintxulo-ko Gorritxok jarraituko du. Egunean hiru aldiz emango dute: 08:20an, 13:00etan eta 19:30ean.

Telesail forma izango duen tarteaz gain, 3txulo saioak atal berezituak izango ditu: mikrotxuloak. Tarte horietan, sukaldaritza, eskulanak, esperimentuak, zientzia, historia eta halako gaiak izango dira, neska-mutikoentzako azalpenekin.

Sorgintxulo-n bezala, Euskal Herriko neska-mutikoen parte hartzea zabalik egongo da saio berrian. Hartara, haurrek marrazkiak bidaltzeko eta urtebetetzea zoriontzeko modua izango dute.

Programan ariko den lantalde teknikoa ia osorik Sorgintxulo-ko berbera izango da. Ane Rotaetxe izango da zuzendaria. Gidoilarien artean, berriz, Txetxu Altolagirre ariko da.

Itziar Azpeitia ETBko saio entretenigarrien arloburuak adierazi du haurrek «garrantzi handia» dutela ETBrentzat: «ETB3 haientzat dago pentsatua, goitik behera. Programazioan marrazki bizidunak dira nagusi, eta formatu berri honek katea egituratzen lagunduko du». Azpeitiaren iritziz, xede horrekin eskaintza «egokia» eta «gustukoa» egingo du 3txulo-k. «Haurren kontuak, ilusioak eta kezkak islatuko ditu. Haurrentzat entretenigarria izateko asmoa du».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna