Sorburura itzuli da bide berri bat abiatzeko

Lucia Lakarra (Zumaia, Gipuzkoa 1975) Madrilgo (Espainia) Victor Ullate ballet konpainiaren zuzendari artistikoa izango da datorren irailetik aurrera. Nazioartera jauzia egin aurretik, konpainia horretan egin zituen lehen urratsak.

Marseillako, San Frantziskoko eta Municheko balletetako dantzari nagusia izan da, eta hainbat sari jaso ditu. Besteak beste, munduko dantzari onenaren Nijinsky Saria, 2002an, eta Benois Saria, 2003an. «Etxe honetan hazi eta hezi nintzen; ohorea da zuzendaritzaren lekukoa hartzea», esan du.