Elkarrizketa eskatu diote Madrili ERCk eta PDeCATek

Esquerra Republicanak (ERC) eta Alderdi Demokrata Europar Katalanak (PDeCAT) negoziazioetara itzultzeko eskatu zioten atzo Espainiako Gobernuari. Espainiako aurrekontu proiektuaren eztabaidan, Kongresuan, ERCren diputatu Joan Tardak mahai gainean autodeterminazioa jartzeko beharraz ohartarazi zion Pedro Sanchez Espainiako presidenteari; PDeCATeko Ferran Belek gauza bera gogorarazi zion, oraindik «denbora» dagoelako osoko zuzenketak kentzeko. Gaur jarraituko du eztabaidak, eta hori amaitzean bozkatuko dute aurrekontuez.