Noiz sortua: 2017-12-17 00:30:00

«Patriarkatua biderkatzen du gerrak»

Martxa antimilitarista jendetsua egin du mugimendu feministak Santurtziko portura, handik armak esportatzen direla salatzeko
Hainbat emakumek portuko hesira kateatu zuten euren burua.
Hainbat emakumek portuko hesira kateatu zuten euren burua. MARISOL RAMIREZ / ARGAZKI PRESS Tamaina handiagoan ikusi

Samara Velte -

2017ko abenduak 17
Gerrak feminismoaren balio garrantzitsuenak suntsitzen ditu: «heteropatriarkatua infinituraino» handitzen du, pertsonak babesgabe utzi, eta «bizitza jasangarria» ezinezko bihurtzen du. Hori salatu eta Euskal Herritik ere Ekialde Hurbileko gerrak elikatzen direla ikusarazteko, Santurtziko (Bizkaia) porturako martxa bat egin zuten atzo ehunka lagunek, Euskal Herriko mugimendu feministak deituta.Feministok gerraren aurka: armagintza eta arma salmenta eten lelopean, salatu zuten hilero armaz beteriko itsasontzi bat abiatzen dela Santurtzitik Saudi Arabiara, eta arma horiek Yemengo gerran erabiltzen direla gero. «Eusko Jaurlaritzaren eta Portu Agintaritzaren bermearekin», nabarmendu dute protestaren antolatzaileek.

Feminismoak historian gerraren aurka egin ohi duela ere ekarri dute gogora, eta bakea lortzeko ezinbestekoa dela emakumeen parte hartzea: «Gerran, emakumeon gorputzak bataila eremu eta harrapakin bihurtzen dira». Martxak iraun duen artean, erresistentzia zibileko bestelako adibideak izan dituzte gogoan, eta haiek ere irudikatu dute gerraren kontra daudela: emakume batzuk errepidean etzan dira, «zerraldo antzean, emakumeek gerretan duten ikusezintasuna eta biktima rola» nabarmentzeko; eta beste batzuek portuko hesi berrira kateatu dute euren burua. Gainera, gezurrezko misil bat ipini dute lurrean, Yemengo norabidean, hara doazen armak irudikatzeko.

Hain zuzen ere, Santurtziko portuaren garrantzi sinbolikoa ekarri dute gogora: «Hemendik, milaka umek egin behar izan zuten ihes urrunera 1936ko gerran, babes bila». Salatu dute Europako Batasuneko mugak areagotzen dituela harresiak: «Trantsitoan dagoen pertsona oro zapaltzen dute, eta, etorkin eta errefuxiatuen oinarrizko eskubideak ukatzeaz gain, kriminalizatu egiten dituzte». Bilboko portutik ateratzen diren gaiak babesteko erabiltzen den dirua gizarte zerbitzuetan inbertitzeko ere eskatu dute: «Proposamen ororen erdigunean giza eskubideak jartzen dituen herri bat nahi dugu».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna