EP fiskalitate «feminista eta berdearen» alde

Zerga politika hobetzeko neurriak aurkeztu zituzten atzo Gemma Zubiaurre, Oscar Fernandez, Jose Damian eta Itxaso Roldan Elkarrekin Podemoseko Gasteizko eta Arabako hautagaiek. Besteak besten, fiskalitate «feminista» baten defentsa egin zuten, emakumeen «ahalduntzea» eta «autonomia» sustatzeko. Horretarako, indarkeria matxistaren biktimei eta guraso bakarreko emakumezkoen familiei hobariak ematea proposatu zuten. Udal ordenantzetan, berriz, fiskalitate «berdea» ezarri nahi dute, klima aldaketaren aurka borrokatzeko. Elkarrekin Podemoseko hautagaien ustez, beharrezkoa da zerga sistema «justu» bat ezartzea kalitatezko zerbitzu publikoak bermatzeko, eta PFEZ «progresiboago» bat eskatu dute.