Noiz sortua: 2019-08-15 00:30:00

Euskal taldeak, liga hasierari begira. Reala

Dinamita apur bat, Realak Europan jokatzeko postuak bereganatu ditzan

Koska bat gorago amaitzea xede, azalberrituta daude txuri-urdinak. Imanol Alguacilek lehen aldiz gidatuko du taldea denboraldi hasieratik
Realeko jokalariak Alavesi sartutako gola ospatzen.
Realeko jokalariak Alavesi sartutako gola ospatzen. JUAN HERRERO / EFE

Jon Ander De la Hoz -

2019ko abuztuak 15

Iragana gogoan eta ahoan bilorik gabe. Aurreko sasoian erdipurdi aritu arren, azken jardunaldira arte Europarako sailkatzeko aukerak izan zituen Realak. Galdutako abagune hura ondo gogoan dute txuri-urdinek. Ez dira gutxi izan aurten helburua sailkapeneko lehen postuetan amaitzea dela aitortu duten Realeko kideak. Maiatzean puntu bakar batek galarazi zion Europa ligako kanporaketa aurrekoak jokatzea, eta arantza hori ateratzea du xede Donostiako klubak. Argi du noraino heldu nahi duen.

Gisa horretako helburu batek biltzen duen zailtasunaren jakitun, txuri-urdinek zenbait berrikuntzarekin ekingo diote sasoiari. Zelai erditik aurrera izango dituzte gehienak; dinamita apur baten jabe egin dira, desiratutako postuak konkistatzeko. Hala, Alexander Isak, Martin Odegaard, eta Cristian Portugues batu ditu erasora, eta aurrez dabiltzanekin Reala gorengo postuetara eramatea izango dute xede. Eraso onak defentsa egokia eskatzen duenez, Roberto Olabe kirol zuzendariak bi jokalari ekarri ditu atzealdea hobetu asmoz: Alex Remiro atezaina eta Modibo Sagnan erdiko atzelaria.

Nolanahi ere, azken urteetan etxean aritutako jokalariek osatuko dute multzorik handiena, eta haiek izango dira taldearen bizkarrezurra: Asier Illarramendi, Willian Jose, Igor Zubeldia, David Zurutuza, Adnan Januzaj, Mikel Merino eta enparauak.

Haien guztien gainetik, ordea, izen bat nagusitu da udan: Mikel Oiartzabalena. Manchester Cityk fitxatu nahi zuela zabaldu zen, eta Realaren harribitxia Ingalaterrara joatea kolpe latza litzateke Imanol Alguacilen taldearentzat. Ez da halakorik gertatu; herenengun, jokalariak berak esan zuen gustura dagoela Realean.

Irteerak ere, nahikotxo

Donostiara zenbait jokalari iritsi dira, baina luzeagoa da taldea utzi dutenen zerrenda. Iaz utzita aritu ziren Sandro Ramirez eta Theo Hernandez ez dira Anoetan izango. Ezta Juanmi Jimenez, Hector Moreno, eta Geronimo Rulli ere. Atezaina utzita ariko da Frantziako ligako Montpellier taldean, eta haren joanak zeresana piztu du. Horiez gain, Alex Sola, Jon Guridi, Jon Bautista eta Martin Merquelanz ere utzita ariko dira. Atzo ezagutu zen Raul Navas ere utziko duela klubak; Osasunarekin arituko da, eta sasoi amaieran jokalaria erosteko aukera izango du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jende pilaketak saihesteko eta hondartzen erabilera «dinamikoa» egiteko eskatu du Eusko Jaurlaritzako Osasun sailburuak. Aisialdirako bada, garraio publikoa ez erabiltzeko eskatu du, «jende asko dagoenean».

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertuko dira. Hogei pertsona arte elkartu ahal izango dira, baina ezingo da probintziatik atera oraindik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna