Ainara Gurrutxaga. Errenteria, Gipuzkoa, 1977

Bere buruari aktorea zela aitortzea asko kostatu zitzaiola dio. 26 bat urterekin izan zen. «Ordura arte desbideratuta ibili nintzen». Kazetaritza ikasketak egindakoa, zenbait komunikabidetan kulturaz idatzitakoa —Argia-n batez ere—, Dejabu Panpin Laborategia sortu zuen 2001ean —«utopia bete ahal izateko»—, eta orduz geroztik hainbat lan ondu ditu. Mireia Gabilondoren Amaren eskuak filmean (2013) protagonistaren rola jokatu zuen, Nerearena.