Gorenak Mas, Rovira eta Gabriel ikertuko ditu

Pablo Llarena Espainiako Auzitegi Goreneko epaileak hauteskundeen biharamunean hartu du erabakia: matxinada delitua egotzi die Artur Mas Kataluniako presidente ohiari, Marta Rovira ERCren idazkari nagusiari, Anna Gabriel eta Mireya Boya CUPeko diputatu ohiei, Marta Pascal PDECateko koordinatzaileari, eta Neus Lloveras AMI Udalerri Independentisten Elkarteko presidenteari. Hortaz, Carles Puigdemont buru zuen gobernuaren eta Jordi Sanchezen eta Jordi Cuixarten aurkako kausa berean ikertuko ditu.