Eusko Legebiltzarrerako hauteskundeak. GALDEZKA. Ane Larrinaga. EHUko soziologia, irakaslea

Zer eskatuko zenioke lehendakariari?

BERRIA Tamaina handiagoan ikusi

Maider Galardi F. Agirre -

2020ko uztailak 8

«Unibertsitate publikoa inbertsioa da etorkizunean»

«Lehendakariari eskatuko nioke tinko egin dezala unibertsitate publikoaren alde. Gauden egoeran egonda, inoiz baino argiago dago euskal gizartean era guztietako zerbitzu publikoek duten garrantzia, dagoeneko mahai gainean dauzkagun desafioei aurre egiteko. Testuinguru horretan ulertu behar dugu unibertsitate publikoaren zeregina. Bizi dugun pandemian lan eskerga egiten ari diren osasungintzako profesionalak, esaterako, hein handi batean, unibertsitate publikoak prestatutakoak dira.

Ildo horretan, lehendakariari gogoraraziko nioke gaur egungo euskal gizartean dagoen goi mailako giza kapitala ez legokeela unibertsitate publikorik gabe. Azken lau hamarkadetako ibilbidean ehunka mila profesional eta ikertzaile atera dira bertako ikasgela eta laborategietatik. Horien artean daude jatorri sozial apaleko gazteak, unibertsitatera ailegatu diren lehen belaunaldietako emakumeak, eta baita oraintsuko etorkinen seme-alabak ere. Zalantzarik gabe, euskal gizartearen kohesiorako eta berdintasunerako eragile erabakigarria da unibertsitate publikoa.

Azkenik, lehendakariari adieraziko nioke badaudela egon merkatuaren irizpideen arabera toki askotan baztertu egiten diren irakaskuntzak, ikerketak eta ezagutza-produkzioak, euskal gizartearen ongizaterako ez ezik haren askatasunerako eta aniztasunerako ere beharrezkoak direnak, eta unibertsitate publikoak lantzen dituenak, euskaraz, berdintasunean eta askotarikotasunaren irizpidea bermatuta. Horregatik, azalduko nioke unibertsitate publikoari baliabideak bermatzea ez dela, inondik ere, dirua alferrik xahutzea; aitzitik, euskal gizartearen etorkizunerako inbertsioa dela, haren garapenean eta ezinbestekoak diren eraldaketetan eragin onuragarriak izango dituena».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Antton Troitiño, 2018an, Espainiako Auzitegi Nazionalean. ©EFE

Kimioterapia hartzeari utzi dio Antton Troitiñok

Maddi Ane Txoperena Iribarren

Etxerat-ek jakinarazi duenez, tratamendua ez da «bideragarria» espetxeko baldintzekin, eta abokatuari jakinarazi dio ez duela gehiago hartuko aske uzten duten arte. Espainiako Auzitegi Nazionalak Donostiako euskal presoa baldintzapean aske uzteko agindu zuen atzo, baina preso segitzen du.

Jose Maria Aznar Espainiako Gobernuko presidente ohia, 2003an. ©B. R. / EFE

Espetxeetako ateen hurrengo sarraila

Maddi Ane Txoperena Iribarren

Gradu aldaketak emanez gero, luze gabe kalean behar lukete 68 bat presok. Gainerakoek zailagoa daukate bidea, ordea; bereziki 7/2003 legearekin zigortuek. Presoen eskubideen aldeko mugimenduek legea indargabetu dezatela nahi dute.

Maria Tixbite, legebiltzarrean ©Jagoba Manterola / Foku

Aierdik «Gorenaren berariazko notifikazio bat» jasotzen duenean utziko du kargua, Txibiteren esanetan

Berria

«Egun batzuetako kontua da», Txibiteren esanetan, Gorenaren komunikazio hori jasotzea. Eta Manu Aierdi Nafarroako Garapen Ekonomikoko kontseilariak idatziz jakinarazi zuen moduan, kargua utziko du orduan.

Erkoreka, batzordekideekin bilduta, gaur. ©Irekia

Ertzaintzaren kontrol batzordea eratu dute

Edu Lartzanguren

Abokatu batek, bi kriminologok, epaile batek eta bi poliziak osatuko dute batzordea. Ez ditu iraganeko auziak ikertuko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.