Albistea entzun

Andres Urrutia. Euskaltzainburua

JON URBE / ARGAZKI PRESS

Berria -

2014ko urriak 4

1

«Guztiz aldekoa naiz. Izan ere, nire ustez, hasierako tirabira gogorrak baztertu gabe, begien bistakoa da orduan hartu ziren erabakiak, gerora ere, onuragarriak izan direla euskararen bizi iraupenerako. Are gehiago, hura gabe ezinezkoa izango litzaiguke gaur egunean dugun ofizialtasuna. Honen emaitzarik esanguratsuenak, batez ere, maila idatzian, euskara batu horretatik etorri dira. Malgu jokatu beharra badago ere, hizkuntzaren batasunak sekulako aurrerakada ekarri die hizkuntzari eta hiztunei. Beharbada, garaia ere bada hori agertarazteko eta berori ahalbidetu zuen belaunaldiari ere aitortza zabala egiteko (nahiz aldeko, nahiz kontrakoak izan)».

2

«Nire ustez eta ikuspegi soziolinguistiko batetik abiatuta, hizkuntzaren kodifikazioan sakondu behar da eta hori erronka dugu Euskaltzaindian eta oro har, euskalgintza osoan ere. Elaborazioa ere hortxe dago, alegia, euskara batu hori esparru desberdinetan (administrazioa, komunikabideak, irakaskuntza, aisialdia…) erabiltzea tresna baliagarri izan dadin egungo gizarte batek izan ditzakeen premiei aurre egiteko. Batasun garaian Bizkaia aldean goiburua, dakigunetik ez dakigunera izan zen, hots, gure etxeko euskaratik euskara batu horretarako bidaia egitea. Orain euskara batua da lokarria etxeko euskararen eta egungo esparru formaletan darabilgun euskara batuaren artean, eta elkarrekin ari dira, etengabeko aberaste prozesu batean. Euskalkirik gabe ezin euskara baturik ondu. Euskara baturik gabe, ezin euskalkien eta euskararen bizi iraupena bermatu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MARISOL RAMIREZ / @FOKU

Berriro ere topagunea da

Ainhoa Sarasola

Iazko etenaren ondotik, aurrez aurrekoa izatera itzuli da Durangoko Azoka, eta, edukiera mugarekin, jendez bete da berriro ere Landako Gunea. Txandaka joan dira sartzen bisitariak, pilaketarik gabe

 ©ARITZ LOIOLA / FOKU

«Nahikoa lan izan dugu atzerakadari eusten»

Iñigo Astiz

Loiola, festara etorri, eta kulturak harrapatu zuen bere lehen Durangoko Azokan, eta Del Campo sormenerantz bultzatu du pandemiak. Landakon ezagutu dute elkar.

Nerea Ibarzabal bertsolaria, atzo, Bizkaiko Bertsolari Txapelketako hirugarren eta azken finalaurrekoan, Larrabetzun. ©JAIZKI FONTANEDA / FOKU

Begirada guztiak finalera begira

Olatz Enzunza Mallona

Nerea Ibarzabalek irabazi du Bizkaiko Bertsolari Txapelketako hirugarren eta azken finalaurrekoa. Horrekin batera, erabakita geratu da finalisten zerrenda

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.