Italiako Giroa

Marianne Vosek hirugarren garaipena lortu du aurtengo Giroan

Vos, garaipena ospatzen.
Vos, garaipena ospatzen. BERRIA

Ainara Arratibel Gascon -

2020ko irailak 17

Garaipen zerrenda handia du Marianne Vosek (CCC-Liv). Bada, zerrenda hori luzatzen segitzen du Giroan. Atzo, hirugarrenez nagusitu zen aurtengo aldian, eta, horrekin, 28. aldiz altxatu ditu besoak Italiako lasterketan. Herenegun bezala, esprintean erabaki zen etapa Nolako helmugan, eta, berriro ere, Vos izan zen bizkorrena. Annemiek van Vleutenek (Mitchelton Scott) lehen postuan jarraitzen du.

Atzoko etapako ibilbidea aldatu egin behar izan zuten apur bat, zubi batean izandako arazo baten erruz. Hala, luzexeagoa izan zen, eta pendiz apur bat gehiago izan zuen. Txirrindulariek ordubete pasatxoko jarduna zeramatenean osatu zen lehen ihesaldia. Teniel Campbellek (Valcar), eta WNTko Lisa Brennauer eta Kirsten Wild izan ziren bertan.

Baina ez zuten helburua lortu. Etaparen bigarren zatian Vosen taldeak lasterketaren aginte makila hartu zuen, eta, ezarritako erritmoari esker, esprinter asko atzean geratu ziren. Bizkaia Durangoko Nadine Gill aurrera egiten saiatu zen. Baina ez zuen lortu, eta, azkenean, esprintean erabaki zen etapa. Ane Santestebanek (WNT) hamabigarren segitzen du sailkapen nagusian.

Bestalde, Luxenburgoko itzulianArnaud Demare (Groupama FDJ) nagusitu zen bigarren etapan, eta Diego Ulissi (UAE) da lider. Toscanako Giroan Fernando Gaviria (UAE) gailendu zen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna