SOSLAIA. Uxue Alberdi

111 Akademiak saritua

GORKA RUBIO / FOKU

Mikel Lizarralde -

2018ko apirilak 12
111 Akademia osatzen duten kideek Uxue Alberdiren Jenisjoplin eleberria (Susa) aukeratu dute 2017. urtean argitaratutako liburuen artean gustukoena, eta, horrenbestez, Alberdik akademiaren saria jasoko du maiatzaren 10ean, Andoainen (Gipuzkoa) egingo den ekitaldian. Hiru bozketa txandatan garatu da aukeraketa prozesua, urtarrilean hasi eta apirilaren 8an amaitu dena. Lehenengo txandan, 2017an gogokoen izan zuten liburuaren alde bozkatzeko eskatu zitzaien 198 akademiakideei, eta lehen txanda hartan saridun izendatzeko behar zen botoen %30 lortu zituen obrarik egon ez zenez, akademiak ohiko prozedura jarraitu, eta beste bi bozketa txanda egin zituen. Hirugarren eta azken txandan, Uxue Alberdiren Jenisjoplin eta Maddi Zubeldiaren Deserria haurtzaro izan ziren bi finalistak, eta Alberdiren lana suertatu da garaile.

Liburua iazko udazkenean argitaratu zuten, eta Nagore Vargas du protagonista nagusia. Migratzaileen ondorengoa eta tabernarien alaba, «oso gaztetatik izango du klase kontzientzia eta zapalduaren identitatea», Alberdik berak adierazi duenez. 1980ko eta 1990eko hamarkadetako Euskal Herria gatazkatsuan dago girotua eleberria. Hain zuzen ere, «bizipen eta kontraesan pertsonalak eta belaunaldikoenak» arakatzen saiatu da idazlea nobelan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna