Albistea entzun

IRITZIA. Xabier Arzalluzen heriotza.

Arzalluzen arantza

Imanol Murua Uria -

2019ko martxoak 2

Arbola baten itzalpean eserita zegoen Xabier Arzalluz, bakarrik, mendiko botak oinetan. Aitak ezaguna zuen eta hurbildu egin ginen, agurtu eta hitz batzuk trukatzera. Niri ere, 11 urteko mutikoa orduan, esan zidan zerbait. 1977. urtea zen. Aralarren ginen, frankismo osteko lehen Alderdi Egunean. Oraindik akordatzen naiz aitak zer esan zidan: «Agurtu dugun hori, Xabier Arzalluz, oso gizon azkarra da. Oso azkarra».

Gerora, askotan akordatu nintzen aitak esandakoaz. Azkarra, behintzat, bazen. Zatiketarekin Garaikoetxea aldamenetik joan zitzaionetik, alderdiaren lider argi eta garbia izan zen bi hamarkadaz. Berak markatu zuen ildoa. Beste garai batzuk ziren eta beste Arzalluz bat: Arriagako espiritua, Ajuria Eneko Ituna, Ardanzaren agintaldiak, PPrekin ituna. Pactismo a tope, omen zen orduan Arzalluzen leloa.

Esperientziaren poderioz moderatzen joan eta pragmatikoago bihurtu beharrean, urte horietako eskarmentuaren ondorioz ildo itunzale hura utzi eta abertzaleen arteko ekintza batasunaren tesia besarkatzera iritsi zen. Lizarra-Garazi izan zen gailurra: «Ez dut nire bizitza politiko guztian hainbesteko betetasunik, hainbesteko pozik eduki», esan zuen handik urte batzuetara, politikatik erretiratu berritan, Pello Urzelai eta biok BERRIAtik galdezka joan gintzaizkionean, 2005eko maiatzean.

Alderdiaren norabideari buruzko kezka agertu zuen lerro artean, hitzez hitz kontrakoa esan arren, elkarrizketa hartan bertan: «Ibarretxe dagoen bitartean, nahikoa lasai geldituko naiz alderdiaren politikaren bidearekin». Ez zegoen batere lasai. Bere garai bateko bandera itunzalea berreskuratu zutenak zeuden ordurako Sabin Etxean, Ajuria Eneko jauregiari kontrapisua egiten.

Erreleboarena gaizki atera zitzaion. Lizarra-Garaziko abentura eta Ibarretxeren apustua ehuneko ehunean babestu izanak, batetik, eta erretiroa hartzeko bidean egoteak, bestetik, ahuldu egin zuen alderdi barruan zuen itzala, eta urtetan buruzagi ahalguztiduna izan zenaren nahiari aurre egitera ausartu ziren gazte pragmatikoak. Eta Egibarri eman zion sostengu erabatekoa ez zen aski izan. Geroztik, Ibarretxe joan zenetik, pactismo a tope hura itzuli da. Eta ezin esango dugu gaizki ateratzen ari zaienik, EAJk autogobernuko instituzioetan aspaldian duen nagusitasunari erreparatuz gero.

Baina Arzalluzek ez zuen, azken garaian egin dituen adierazpen urrietan, alderdia instituzio gehienetako agintean ikusteagatik harrotasun handirik erakutsi. Ez zen hori. Beste zerbait zuen buruan Aralarren arbolapean topatu genuenean. Arantza hori ere eraman du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Torturaren kontrako manifestazioaren burua Espainiako polizien aurretik igarotzen, atzo, Iruñean, Nafarroako Torturatuen Sareak antolatutako protestan. ©JAGOBA MANTEROLA / FOKU

«Tortura aitortzeko garaia da»

Iker Tubia

Nafarroan mila lagun torturatu dituztela salatu, eta haientzat aitortza, ordaina eta berriz ez gertatzeko bermea eskatu dute ehunka lagunek Iruñean. Ikerketa ofizial bat egiteko galdegin diote erakundeei

 ©JON URBE / FOKU

«Alderdi denek ikertzeko eskatu dute, eta orain ezin da beste aldera begiratu»

Joxerra Senar

Alberto Perote eta Pedro Gomez Nietoren arteko elkarrizketaren berri aurretik bazuen Idoia Zabalzak, baina entzutea diferentea dela azaldu du: «Gogorra da entzutea zer-nolako naturaltasunez mintzo diren».
Julian Grimauri egindako omenaldia, lurperatuta dagoen hilerrian, Madrilen. Haren hilketaren ostean jarri zuten TOP abian. ©KOTE RODRIGO / EFE

Salbuespenaren salbuespena

Gotzon Hermosilla

TOP Ordena Publikoaren Auzitegiaren jarduerari buruzko ikerketa bat argitaratu du Juan Jose del Aguilak. Auzitegi frankistak gogor jo zuen euskal herritarren kontra: 13 urtean 1.826 epaitu zituen

Euskal presoen alde urtarrilean Bilbon egindako protesta. ©OSCAR MATXIN / FOKU

Bi euskal preso hurbilduko dituzte, eta hiru Euskal Herriratu

Maddi Ane Txoperena Iribarren

Asier Karrera, Mikel San Argimiro eta Aitor Esnaola ekarriko dituzte Euskal Herrira. Gorka Martinez, El Duesora; Josu Ordoñez, Topasera

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna