Gaur erabakiko da zein izango den buruz buruko txapelketarako azken txartela lortuko duen pilotaria. Joseba Ezkurdiak eta David Merinok Aspeko azken atarikoa jokatuko dute, Altsasun (Nafarroa, 22:15, ETB1). Irabazleak heldu den asteartean jakingo du hurrengo aurkaria zein izango duen, Bilboko Club Deportivo pilotaleku historikoan egingo den aurkezpenean (12:00).
Faborito garbirik gabeko partida da, eta morbo puntu batekikoa. Elkarren aurka jokatu zuten binakako txapelketako azken partidan tentsio handia egon zen bi bikoteen artean. Buruz buru, aldiz, inoiz ez dituzte indarrak neurtu elkarren kontra. Atariko fase honetako bigarren partida da bientzat. Ezkurdiak 22-20 irabazi zion duela bi aste Aritz Lasari, eta Merinok, 22-19 Zubietari iragan ostiralean. Iaz, Ezkurdia Bigarren Mailako txapeldunorde izan zen; Merino, berriz, Lehen Mailakoaren bigarren kanporaketan sartu zuten zuzenean.
Aspetik parte hartuko duten beste zazpi pilotariak hauek izango dira: Irujo, Xala, Gonzalez, Barriola, Retegi Bi, Jaunarena eta Zabaleta. Asegarcen, berriz, Arretxe II.ak irabazi zuen atariko bakarra, eta enpresako zazpi kide hauekin parte hartuko du: Olaizola II.a, Olaizola I.a, Idoate, Bengoetxea VI.a, Beroiz, Urrutikoetxea eta Albisu.
Ezkurdiak eta Merino II.ak buruz burukorako txartela dute jokoan gaur
Arbizuko aurrelariak Aritz Lasa kanporatu zuen duela bi aste, eta Errioxako atzelariak, Aitor Zubieta
Iruzkinak
Ez dago iruzkinik
Ordenatu
