Noiz sortua: 2018-04-19 00:30:00

Artzeri omen, San Telmon

Ekitaldi bat eskainiko diote asteartean museoan. 'Ikimilikiliklik' erakusketa berreskuratu dute
Joxan Artze, 2014ko urtarrilaren 14an egindako argazkian.
Joxan Artze, 2014ko urtarrilaren 14an egindako argazkian. GORKA RUBIO / FOKU Tamaina handiagoan ikusi

Amagoia Gurrutxaga Uranga -

2018ko apirilak 19
Donostiako San Telmo museoak eta udalak omenaldia egingo diote asteartean Joxan Artze poeta, musikari eta kulturgileari (Usurbil, 1939-2018), San Telmon bertan, 20:00etan. Omenaldi horretan, artistaren unibertsoa azaltzen saiatuko dira musikaren, dantzaren, ikus-entzunezko proiekzioen eta poesiaren bidez. Ordubete ingurukoa izango da omenaldia, eta jende askok parte hartuko du.

Testuak errezitatzen, Ramon Agirre eta Miren Aranburu arituko dira. Malandain Balleteko Gael Domenger, Aureline Guillot eta Mizel Theretek dantza egingo dute; eta Maddi Oihenart, Mixel Arotze, Mixel Etxekopar, Beñat Axiari, Julen Axiari eta Ainhoa Zubillaga kantarien ondoan arituko dira Ensemble Vocal Donostia abesbatza, Zuaznabartarrak txalapartariak eta Pedro Soler (gitarra), Loreto Fernandez Imaz (organoa) eta Sorkunde Idigoras (viola da gamba). Proiekzioak, berriz, Morgancreak egingo ditu. Ekitaldia Alberto Lizarraldek, Asun Lasartek eta Carlos Rodriguezek zuzenduko dute.

Gonbidapena eskuratu behar da omenaldia ikusteko. Gaurko 10:00etatik aurrera izango da horretarako aukera, San Telmo museoko leihatilan. Gonbidapenak doan dira, eta pertsona bakoitzak bi eskuratu ahalko ditu.

Erakusketa, osagarri

Astearteko ekitaldiaren osagarri, atzotik, Alberto Lizarraldek eta Carlos Rodriguezek duela hiru urte aurkeztu zuten ikimiliklik. JA Artzeren unibertsoa ikus-entzunezkoa ikusgai dago atzera museoan. Urtarrilaren 12an zendu zen artistaren ibilbidean barna bidaiatzeko aukera ematen du lan horrek, haren poeta berritzaile garaiak, Ez Dok Amairuko zikloa, abangoardiako sorkuntzatik etapa espiritualera bitarteko jauzia eta beste errepasatuz. Maiatzaren 20ra arte egongo da ikusgai erakusketa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Osasungintzako langileak txaloka, Nafarroako Ospitalean, Iruñean. / ©Idoia Zabaleta, Foku

Sintomarik ez dutenen artean test azkarrak egingo dituzte Hegoaldean

Berria

Pedro Sanchezek bilera egin du autonomia erkidegoetako presidenteekin, eta iragarri du milioi bat proba azkar egingo dituztela pertsona asintomatikoen artean. Horiek bakartzeko azpiegiturak prestatzea eskatu die.

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Donostiako Udalak jarri eta kendu zuen kartel turistikoa, Miramar jauregian, iazko otsailean. ©GORKA RUBIO / FOKU

Turismoaren argazki negargarria

Xabier Martin

Turismotik bizi diren enpresek eta langileek aspaldian dakite Aste Santua galdu dutela; sektorearen benetako kezka da koronabirusak zirrikiturik utziko ote duen urte osoan susperraldi txiki baterako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna