Euskarazko bi film saritu dituzte Naonedeko zinema jaialdian

'Debekatuta dago oroitzea'-k dokumental onenaren saria jaso du, eta '80 egunean' lanak, 'opera prima'-rena
Naoneden saritutako euskal zuzendariak.
Naoneden saritutako euskal zuzendariak. JORGE FUEMBUENA

Erredakzioa -

2011ko apirilak 5
Euskal zinemak asteburu arrakastatsua izan du. Alberto Gorritibereak Arriya filmarekin Malagako jaialdian irabazitako bost sariez gain, Txaber Larreategi eta Josu Martinezek zuzendutako Debekatuta dago oroitzea lanak dokumental onenaren saria jaso du Naonedeko (Nantes, Bretainia) Espainiar Zinemaren Jaialdian. Halaber, opera prima onenari emandako Borau Fundazioaren saria eraman du 80 egunean filmak. Hori ez da izan Jose Mari Goenagak eta Jon Garañok zuzendutako pelikulak azken egunetan jaso duen sari bakarra, film horretan egindako lanari esker aktore onenaren saria eman baitiote Itziar Aizpururi Guadalajarako zinema jaialdian (Mexiko). Mexikon bertan, Jose Maria Orbe donostiarraren Aita-k film onenaren saria irabazi du UNAMeko festibalean. Naonedeko jaialdian bi euskal zuzendariren beste bi film ere saritu dituzte: Borja Kobeagaren No controles lanak ikuslearen saria eraman du eta Alex de la Iglesiaren Balada triste de trompeta-k, gazteen saria.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna