Albistea entzun

Iruñeko Udalak Nagore Laffage omenduko du sanferminetan

Astelehen Lilak taldearen eskaerekin bat egin du erakundeak.

Uztailaren 5eko Gazteluko plazako elkarretaratzean ere parte hartuko du
Astelehen Lilak taldeko kideak, atzo, udaletxearen aurrean.
Astelehen Lilak taldeko kideak, atzo, udaletxearen aurrean. J. MANTEROLA / ARP

Edurne Elizondo -

2015eko ekainak 24 - Iruñea

2008ko sanferminetan hil zuen Jose Diego Yllanesek Nagore Laffage. «Ezetz errateagatik hil zuten nire alaba», nabarmendu zuen Laffageren ama Asun Casasolak atzo, Iruñean. Iruindarren babesa eskertu zuen, Astelehen Lilak taldearekin egindako agerraldian. «Haien elkartasuna sumatu dut beti». Iruñeko Udalaren babesa ere eskertu zuen atzo. Astelehen Lilak taldearen eskaerekin bat egin du erakunde horrek, eta, lehendabiziko aldiz, Laffage omenduko du, sanferminetan.

«Merezi izan du azken urteotan egin dugun lanak; azkenean, aurrera egin dugula erran dezakegu». Astelehen Lilak taldeko kide Tere Saezek erran zituen hitzok, atzoko ekitaldian. Garrantzitsutzat jo zuen udalak beren eskaerak onartu izana. «Urrats garrantzitsua da eraso sexistarik gabeko bestak lortzeko bidean», nabarmendu zuen.

Batetik, Iruñeko Udalak bat egin du uztailaren 5ean eginen duten elkarretaratzearekin. Gazteluko plazan izanen da, 12:00etan. Laffage omenduko dute ekitaldi horretan, urtero bezala. Bertzetik, uztailaren 7an, udalak berak gogoratuko du sanferminetan hildako gaztea. Egun horretan, morez argiztatuko dute udaletxeko aurrealdea, eta kolore bereko xingola jarriko dute, Ezetz ezetz da leloarekin batera.

Besta programan ere bai

Udalak hartu du bertze konpromisorik. «Txupinazoaren egunean, Astelehen Lilak taldeko kideak eta Laffageren familia izanen dira udaletxean», azaldu zuen Saezek, atzo. Gainera, sanferminetako programetan gogoratuko du udalak Nagore Laffage, eta eraso sexisten aurkako testu bat ere jasoko du. «Denok dugu bestaz gozatzeko eskubidea», erran zuen Tere Saezek.

Mezu bera nabarmendu zuen Casasolak. Onartu zuen sanferminak «egun zailak» izaten direla familiarentzat. «Guk Nagore galdu dugu, eta hori ez da aldatuko. Bertze inoiz ez dadila halakorik gertatu».

Berdintasunaren aldeko mezua zabaldu zuen Tere Saezek atzo. Sanferminetarako, eta oro har. Ildo horretan, Iruñeko Udalak Elena Tabernaren Nagore filma ikastetxeetan erabiltzeko asmoa agertu duela azaldu zuen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Bilduren eta LABen agerraldia, gaur goizean, Donostian ©Andoni Canellada / FOKU

EH Bilduk eta LABek «konfluentzia» nahi dute, ikastolen eta sare publikoaren «onena» jasota

Irati Urdalleta Lete

Nabarmendu dute hezkuntza akordioa «abiapuntu ona» dela, baina Hezkuntza Legearen aurreproiektuan «atzerapausoak» ikusi dituzte. Aitortza egin diete sare publikoari nahiz ikastolei. Grebak aipatuta, esan dute bat egiten dutela langileen eskaerekin.

Basurtun bihotzeko kirurgia ixtearen kontrako manifestazio bat. ©Marisol Ramirez / Foku

Sindikatuek manifestazioa egingo dute Basurtun bihotzeko kirurgia ixtearen kontra

Gotzon Hermosilla

Satse, ELA, LAB, CCOO eta UGT sindikatuek eskatu diote Osakidetzari helegiterik ez aurkezteko erabakia eteten duen ebazpen judizialari.

Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...