Doris Benegas Haddad 1951n jaio zen, Caracasen, baina Donostian igaro zuen gaztaroa. Lau urte zituela heldu zen familiarekin, erbestetik. 1970eko hamarkadan hasi zen militatzen; unibertsitatean, Gipuzkoako Ikasle Iraultzaileetan eta Mugimendu Komunistan aritu zen.
Valladolidera joan zen gero (Gaztela-Leon, Espainia); ezkerreko mugimenduan eta Gaztela subjektu politiko gisa onartzearen alde hartu parte zuen aktiboki. Abokatu gisa, langile kaleratuen alde jardun zuen; faxista talde batek bulegoa erre zion 1979an.
Euskal Herrian, parte hartze aktiboa izan zuen ezker abertzalea legez kanporatzearen aurka; batez ere, 2009an Europako Legebiltzarrerako hauteskundeetan Iniziatiba Internazionalistako bigarren zerrendaburu gisa aurkeztuz.
SOSLAIA. Doris Benegas
Ezkerra iparrorratz
Iruzkinak
Ez dago iruzkinik
Ordenatu
