Noiz sortua: 2019-03-12 00:30:00

Leku berean harrapatu ditu greba berriak

Gaurtik ostiralera, lau eguneko lanuztea egingo dute Kristau Eskolan eta IZEAn. Urtarrileko greba amaitu zenean bezala, negoziazioak blokeatuta daude orain ere
Kristau Eskolako eta IZEAko langileen manifestazioa, Bilbon, urtarrilaren 16an.
Kristau Eskolako eta IZEAko langileen manifestazioa, Bilbon, urtarrilaren 16an. LUIS JAUREGIALTZO / FOKU Tamaina handiagoan ikusi

Ibai Maruri Bilbao -

2019ko martxoak 12
Gaurtik ostiralera, Kristau Eskolako eta IZEAko ikastetxeetan greba egingo dute, ELA, LAB, Steilas, CCOO eta UGT sindikatuek deituta. Azkena izango ez den kezka dute sindikatuek. Izan ere, negoziazioa blokeatuta dago. Sindikatuen ustez, patronalen eskaintzek ez dituzte betetzen langileen eskaerak. Patronalen esanetan, Eusko Jaurlaritzak itun bidez emandako finantzaketarekin ez dute eskaintza hobetzeko tarterik. Gobernuak ez du tartean sartu nahi, enpresen eta sindikatuen artean konpondu beharreko gatazka delakoan. Hala, aurretik akordiorik lortu ezean, apirileko lehen lau egunetan eta maiatzaren 8an eta 9an ere greba egitera deituko dituzte Arabako, Bizkaiko eta Gipuzkoako 250 zentrotako 9.000 irakasleak. 100.000 ikasleri eragingo die.

«Ikusi dugu mobilizazioak indartuz joan garen heinean beren hasierako posizioetatik mugituz joan direla patronala eta Eusko Jaurlaritzako Hezkuntza Saila. Horregatik, mobilizazioak indartu beste aukerarik ez dugu izan, berriro ere mugitzera behartzeko», azaldu du ELA sindikatuko Hezkuntza arloko arduradun Miren Zubizarretak. Batzuei zein besteei esan die negoziatzera esertzeko prest daudela, eta «edukietan sakondu» nahi dutela. «Bakoitzari dagokion ardura» hartzeko eskatu die enpresei eta gobernuari. Azken greba egunetatik hona ez da bildu negoziazio mahaia, baina sindikatu bakoitzak bere aldetik izan ditu bilerak bai patronalarekin bai Hezkuntza Sailarekin. Zubizarretaren esanetan, bilera horietan ez dute jaso «langileek egindako bidezko eskaerei behar bezalako erantzuna ematen dien» proposamenik.

Aurreko ikasturtean hasita, hamazazpi greba egun egin dituzte dagoeneko. Azkenak urtarrilean izan ziren: zortzi egun jarraian. Familiek kezka agertu dute, eta joan den ostiralean Manu Lezertua EAEko arartekoarekin elkartu ziren. Atzo eman zuen iritzia Lezertuak. Gurasoekin bat egin, eta ikasleei «kalte» egingo ez dieten gutxieneko zerbitzuak eskatu ditu; esan du bere eskumenen esparruan jardungo duela ikasleen hezkuntzarako eskubidea bermatzeko. Lan gatazkari dagokionez, arartekoak uste du patronalek eta sindikatuek LHK Lan Harremanetarako Kontseilura edo Eusko Jaurlaritzaren Lan eta Justizia Sailera jo beharko luketela, bitartekaritza eskatu eta gatazkari konponbidea emateko. Kristau Eskolak ez du adierazpenik egin nahi izan. Duela hilabeteko batzar orokorrean erabaki zuten aurrerantzean isilik egongo direla, eta horri eutsi diote.

Itunaren kontrola

Oraingoz, sindikatuek ez dute kontuan hartuko arartekoaren gomendioa. Hala adierazi dio Zubizarretak BERRIAri: «Ez dugu bitartekaritzarik eskatuko. Guk nahi duguna da Hezkuntza Saila gatazkaren irtenbidean inplikatzea». Uste du Eusko Jaurlaritzak «azpikontrata» modura hartu duela «historikoki» itunpeko ikastetxeen sarea. Enpresei, berriz, euren hezkuntza proiektua «irakasleen eskubideen bizkar» bultzatu nahi izana egotzi die.

Zubizarretaren esanetan, enpresek badute proposamena hobetzeko aukerarik. Baina, hala ere, patronalek jasotzen dirua kontrolatzeko eskatu dio Eusko Jaurlaritzari, itun bidezko finantzaketa nahikoa den ikusteko. «Behar bestekoa bada, kontu eske joan beharko du haiengana. Eta, hala ez bada, neurriak hartu beharko ditu».

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Aceros Olarra enpresako sarrera, Basaurin. / ©Marisol Ramirez, Foku

Inoizko langabezia datu txarrena espero da gaur

Berria

Martxoko datua emango dute gaur. Nafarroako Gobernuak eta Eusko Jaurlaritzak eman dituzten datuen arabera, lana aldi baterako erregulatzeko 26.600 dosier aurkeztu dira azken asteetan, eta horiek 166.000tik gora langilerengan izango dute eragina.

Industrialde bat, erdi hutsik, Bergaran. ©JAGOBA MANTEROLA / FOKU

Espainiako Gobernuaren zirrikituak ateak ireki ditu

Iker Aranburu

Industria askok baliatu dute Espainiako Gobernuak zenbait jarduerari emaniko aukera: berriro ekitea «gutxieneko zerbitzuekin». ESK aztertzen ari da Arantxa Tapiari salaketa bat jartzea

Balkoietan bandera edo oihal moreak jartzera deitu dute, andreek jakin dezaten nori eskatu laguntza. ©MARISOL RAMIREZ / FOKU

Etxea abaro ez denean

Maite Asensio Lozano

Etxean tratu txarrak jasaten dituzten andreak erasotzaileekin itxita geratu izanak kezka eragin du eragileetan eta instituzioetan. Arrisku egoerak areagotu daitezkeela eta, bizilagunak adi egotera deitu dituzte eragileek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna