Berdintasunerako estrategia bat eskatu diote udalek Europari

Europako Udal eta Eskualdeen Kontseiluak kongresu bat egin du Bilbon, berdintasun, aniztasun eta gizarteratze politiken inguruan
Rigoberta Menchu, Basqueskola euskal alkate eta zinegotzi emakumezkoen sareko kideekin, herenegun.
Rigoberta Menchu, Basqueskola euskal alkate eta zinegotzi emakumezkoen sareko kideekin, herenegun. EUDEL

Ibai Maruri Bilbao -

2018ko ekainak 14
Astelehenean hasi eta atzo arte urteko bilkura egin du Europako Udal eta Eskualdeen Kontseiluak, Bilbon. Kide eta gonbidatuen artean, 40 herrialdetako 550 alkatetik gora elkartu dira, berdintasun, aniztasun eta gizarteratze politiken inguruan eztabaidatzeko. Bukatzean, eskaera argia egin diote Europako Batzordeari: genero berdintasuna lortzeko estrategia bat jar dezala martxan. «Gizonen eta emakumeen arteko berdintasuna handitzeak beste era bateko desberdintasunak txikitzea ekar lezake», ohartarazi dute aho batez onartu duten agirian.

Estrategia horrek Europako Batasuneko kide diren estatuei eragingo lieke. Uste dute «ezinbestekoa» dela «boterea eta baliabideak modu parekidean banatzea» berdintasunean pausoak emateko. Kongresua egin arte Galdakaoko (Bizkaia) alkate Ibon Uribe izan da udalen kontseilu horretako Berdintasun Batzordeko burua. Haren esanetan, andreena da Europan talderik baztertuena. Emil Brobergek hartu dio lekukoa. Europako Batasunari esan dio bere «agendako punturik garrantzitsuenetakoa» izan behar dela genero berdintasuna.

Brobergen ustetan, maila guztietako administrazioen politiketan izan behar du eragina: tokiko erakundeetatik hasi eta Batasuneko gobernu organoetaraino. Bide batez, gogoratu du udalen kontseilu horrek Genero Berdintasunaren Behatokia duela. Europako Batasunari eskatu dio behatoki hori babes dezala.

Gonbidatuen artean Rigoberta Menchu Bakearen Nobel sariduna egon da. Adierazi du ez dagoela berdintasuna lortzerik aurrekontu zehatz barik eta politikak betetzen diren berme barik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna