Biriatu eta Hendaia artean 41 saharar atxilotu dituzte, «iruzur» egitea leporatuta

Hamabik atxiloturik segitzen dute, Frantziako asilo eskaeren laguntzak jaso dituztelakoan Espainiako «estatutu erregulatu» batekin
Biriatuko bidesarian kontrola, artxiboko irudi batean.
Biriatuko bidesarian kontrola, artxiboko irudi batean. BOB EDME

Nora Arbelbide Lete -

2018ko ekainak 6
Frantziako Aire eta Mugetako Poliziak 41 saharar atxilotu zituen astelehen goizean Lapurdin, Biriatu eta Hendaia artean. Haietako hamabi oraindik atxiloturik atxikitzen zituzten atzo arratsean, Marc Marie Baionako prokuradoreak jakinarazi zuenez. Immigrazio eta Integrazio Erakunde Frantsesari «iruzur» egitea leporatzen die ministerio publikoak. Espainiako Estatuan «estatutu erregulatua» dutela adierazi zuen prokuradoreak. Eta Frantzian asilo eskaera egin zutela. «Zergatik? Frantziako legeak permititzen baitu eskaera aztertzeko denboran laguntzak eskuratzea hilabetero. Baina errefuxiatu estatutu bat izateko, ezin da izan Europako beste herrialde batean estatutu erregulatu bat. Ez du zentzurik bestela».

Kargurik gabe aske utzi dituztenak Espainiak «berriz onartu» dituela azaldu du Mariek: «Asilo eskaera egitekotan ziren, baina ez zuten oraino egina. Legea gogorarazi zaie». Beste batzuek abenduan auzia ukanen dutela gaineratu zuen, «kalteak eragiteagatik». Eta oraino «kalte gehiago» eragin dituztenen «lauzpabost» bihar bertan dira Baionako auzitegiaren aitzinean pasatzekoak. «Antolaketaren bizkarrezurra izan direnentzat epailearen ikerketa bat» zabaldu du prokuradoreak. Ez du zehaztu zenbat diren horiek. Prokuradoreak gaineratu du 2017ko urtarriletik ezagutzen dutela «fenomeno hori», eta izan direla beste auzipetu batzuk. Orotara «ehunka mila euroko» kontua dela.

Fronte Polisarioaren bitartez egoeraren berri izaten saiatu da BERRIA, baina ez da posible izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna