Gizon bat atxilotu dute, sanferminetan adingabe bat bortxatzeagatik

Ane Eslava -

2018ko apirilak 17
18 urteko mutil bat atxilotu dute Iruñean, iazko sanferminetan neska adingabe bat bortxatzeaz akusatua. Adingabeen Fiskaltzaren esku geratu da auzia, erasoa jazo zenean atxilotua ere adingabea baitzen. Biktimak sanferminetako azken egunean jarri zuen salaketa. Adierazi zuenez, erasotzailea gau horretan ezagutu zuen; mutilak etxera laguntzea proposatu zion, eta, bidean, bortxatu egin zuen. Erasoa gertatu zenean, emakumeak 15 urte zituen. Auzitegi medikuak baieztatu zuen haren lesioak bat zetozela salaketarekin.

Biktimak berak erasotzailea kalean ikusi eta ezagutu ostean atxilotu dute mutila. Larrialdi zerbitzura deitu zuen emakumeak, eta udaltzainek mutila atxilotu zuten. Eraso bera egotzita Iruñeko beste gizon bat atzeman zuten irailean, baina aske utzi zuten, frogarik ez zutelako.

Bestalde, bi urteko espetxe zigorra eta 1.440 euroko isuna ezarri diote Zarauzko (Gipuzkoa) gizon bati, haren bi anaiari sexu abusuak egiteagatik. Biktimak adingabeak dira. Urruntze agindua ere ezarri diote.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna