Urriaren 20ko manifestazioa Donostian izango da, ez Bilbon

Erredakzioa -

2018ko irailak 9
Sare herritar plataformak Orain Presoak dinamikan datorren urriaren 20rako antolatutako manifestazioa Donostian izango da, eta ez, udaberrian iragarri zuten bezala, Bilbon. Izan ere, urriaren 20an Bilbao Night Marathon izango da Bilbon, eta Eusko Jaurlaritzako Segurtasun Sailak esan du bi ekitaldiak ezin direla egin egun berean. Sarek kontuan hartu du arazoa, eta manifestazioa Donostian egitea erabaki du, atzo jakinarazi zuenez. 17:00etan hasiko da martxa, Antiguako tuneletik.

Plataformak dio presoak Euskal Herrira gerturatzeak lehentasuna duela. «Oraindik indarrean den espetxe politika aldatu ezean, giza eskubideak urratuak izateaz gain, presoen senideek sufrimendua pairatzen jarraituko dute». Neurriak eskatu dizkiote Madrili.

Bi martxa gaur

Kalera Kalera-k deituta, euskal presoen «askatasunaren» aldeko manifestazioa izango da gaur Donostian, 13:30ean, Bulebarretik abiatuta. AEMek ere martxa bat antolatu du Donostian gaurko (13:00, Bulebarra), presoen amnistia aldarrikatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna