Malawiko presidente Bingu wa Mutharika hil da

Berria -

2012ko apirilak 8
LILONGWE. Malawiko irrati publikoak atzo baieztatu zuen Bingu wa Mutharika presidentearen heriotza. Ostiralean hil zen, 78 urterekin, bihotzekoak jota. Ondorengoa aukeratzeko orduan legea betetzeko eskatu zioten AEBek eta EBk Malawiri. Halaxe izan da: konstituzioak agindu bezala, Joyce Banda presidenteordeak hartu du haren kargua. Mutharikak, hain zuzen, 2010ean alderditik kanporatu zuen Banda , ondorengotza prozesuari buruzko eztabaida batengatik.