Barcinak dio «normala» dela enpresa bati buruz galdetzea
Idoia Nieves Ogasuneko zuzendari kudeatzaile ohiak Nafarroako Parlamentuko ikerketa batzordean egindako salaketei erantzunez, Yolanda Barcina presidenteak esan zuen «normala» dela gobernuko kideak enpresa zergadun batez galdetzea, «legearen barruan» egiten bada. «Beren eginkizunak betetzeari esku hartzeko saioa deitzen diote batzuek», esan zuen atzo. Barcinak ikerketa batzordean azaldu zuen gauza bera egin zuela PSNko Roberto Jimenezek presidenteorde zela. Mezu elektroniko bat erakutsi zuen horretarako, baina ez guztia, zati bat bakarrik. Hori zergatik egin zuen galdetuta, ezkutatutakoa «erabat semantikoa» zela esan zuen. «Denek egiten dugu hori».
Iruzkinak
Ez dago iruzkinik
Ordenatu