Askabide prostituten elkartea auzitik kanpo

Askabide elkartearen abokatu Javier Beramendik ere hartu zuen hitza aurretiazko gaietan. Elkarteak auziarekin «inolako zerikusirik» ez duela azpimarratu zuen, eta, beraz, auzitik aparte uzteko eskatu zuen. Izan ere, azaldu zuen prostituzioan aritzen diren langileen laguntzarako elkartea dela Askabide, eta Bilboko Zorroza auzoan dagoen Askabide herriko tabernarekin nahastuta sartu zutela elkarte hori auzian. Fiskaltzak eta gainerako akusazioek arrazoia eman zioten Javier Beramendiri, eta epaileak epaiketatik ateratzeko baimena eman zien elkarteko ordezkariei. Nolanahi ere, elkarte hori auzian nahastuta eduki dute sumarioak iraun duen 11 urteetan.