Jendetsua eta berezia izan da azken ostiraletako zita

Atzo, hilabeteko azken ostirala izanik, preso eta iheslarien eskubideen aldeko mobilizazioak egin zituzten hamaika herri eta auzotan. Atzokoak ohi baino jendetsuagoak izan ziren leku batzuetan. Eta bereziak. Hainbat herritan ezohiko deialdia egin zuten eta iheslari ohi talde bat ere batu zen. Hala gertatu zen, adibidez, Zarautzen (380 lagun bildu ziren), Zestoan, Zegaman, Ataunen, Donostian eta Arrasaten. Beste herri hauetan ere egin zituzten mobilizazioak: Leaburu-Gaztelun (30), Villabonan (70), Ikaztegietan (15), Berastegin (22), Iruran (15), Zizurkilen (27), Berrobin (6), Ibarran (80), Anoetan (34), Mutrikun (300), Zaldibian (101), Getarian (33), Usurbilen (123), Hondarribian (60), Irunen (95), Deban (65), Lezon (29), Lasarten (160), Mendaron (17), Bakion (42), Erandion (48), Mungian (40), Zeberion (27), Larrabetzun (135), Abadiñon (60) Berriozarren (50), Lesakan (47), Leitzan (50), Irurtzunen (18), Gasteizen (480), Bastidan (22) eta Zuian (30).Zestoan, berriz, Ertzaintzak galarazi egin zuen elkarretaratzea, Kontxi Lopetegi iheslari ohiari omenaldia egiten ari zirela argudiatuta.