Usurpazio delitua ezin da beti aplikatu, BOBaren arabera

Okupazioa zigortzeko erabili ohi den usurpazio delitua ezin dela beti aplikatu gogora ekarri du Bilboko Okupazio Bulegoak. Orain hiru urte okupazioaren legitimitatea gizarteratzeko asmoz sorturiko talde horren arabera, usurpazio delitua aplikatzeko hainbat aldagai frogatu behar dira, besteak beste, indarkeria, okupatutako lekuan geratzeko asmoa, eta nor sartu den eraikinera. Azpiegitura baten jabeak eraikina urteetan utzita duenean, jabetzarako eskubideari «muzin» egiten diola erantsi du.

Era berean, Kukutza gaztetxea hustu eta eraisteko prozesuan, «lege eta prozesu juridikoen erabilera interesatua» egin dela berretsi du bulegoak, «jabetza pribatuaren alde».