'Brexit'-aren trantsizioaren inguruko negoziazio teknikoak abiatu dituzte

BRUSELA. Heldu den urteko martxoaren 29an da indarrean sartzekoa brexit-a, eta egun horren ostean bi urteko trantsizioa etorriko da. Europako Batasuneko eta Erresuma Batuko ordezkariek epe horren inguruko negoziazio teknikoak abiatu zituzten atzo. Ipar Irlanda eta Irlanda arteko muga izango dute hizpide, besteak beste, ostegunera arte luzatuko diren elkarrizketetan. The Guardian egunkariak argitaratutako inkesta baten arabera, baina, soilik herritarren %16k uste dute ondo bidean doala estatu kide izateari uzteko prozesua.