CARACAS. Diosdado Cabello PSUVeko presidenteordeak eta ANC Batzar Nazional Konstituziogileko diputatuak atzo iragarri zuen Venezuelako Parlamenturako hauteskundeak presidentea hautatzeko bozen egun berean egiteko proposamena helaraziko diola ANCri. Presidentetzarako hauteskundeak apirilaren 22an egingo dituzte, baina oposizioak oraindik ez du argi hitzordu horretara aurkeztuko ote den; chavistek, berriz, Nicolas Maduro egungo presidentea aurkeztuko dute hautagai gisa.
Ganberarako hauteskundeak aurreratzea «interes nazionalaren» mesedetarako dela argudiatu zuen, egun herrialdean «ez delako existitzen» botere legegilea.
Ganberarako bozak apirilerako ere nahi dituzte
Iruzkinak
Ez dago iruzkinik
Ordenatu
