Mexikon dozenaka hildako utzi ditu lurrikara batek

Berria -

2017ko irailak 20
MEXIKO HIRIA. Ritcher eskalan 7,1 gradura iritsi den lurrikara batek astindu zuen atzo Mexiko, berriro, eta kalte handiak eragin zituen azpiegituretan. Irailaren 7an 8,2 graduko beste lurrikara bat gertatu zen, eta bi aste eskaseko epean errepikatu da. Mexikon 13:15 zirela gertatu zen lurrikara —Euskal Herrian, 20:15—. Atzo oraindik argitzeko zeuden lurrikararen eragin guztiak, baina Moreloseko estatuan 40 pertsona gutxienez hil zirela jakinarazi zuen gobernadoreak. Mazon beste bi hildako eta Pueblan beste bi ere zenbatuak zituzten erredakzio hau ixteko orduan. Mexiko Hirian eta inguruetan, argindarra moztu eta hainbat etxe bota ere egin ditu lurrikarak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna