Akordiorik ez sektore arteko batzordean
BILBO. Sindikatuak eta patronala ez dira gai izan sektore arteko akordioaren inpugnazioari erantzun bateratu bat emateko. EAEn sinatutako itunei lehentasuna ematen zien akordioa auzitara eraman zuen Espaniako ostalaritza kolektiboko patronalak, eta hilaren 26an izango da auzia. Sektore arteko akordioaren batzorde paritarioan bildutako guztiak ados jarri ziren inpugnazioa gaitzesteko, baina ez ziren urrunago iritsi. ELAk eta LABek diotenez, CCOOk eta UGTk uko egin zioten eskatzeari Euskal Herrian adostutako baldintzak Espainian hitzartutakoen gainetik ezartzea. Confebask batu zitzaien kanpoko esku hartzerik gabe negoziatzeko eskubidea aldarrikatzeari muzin egiteko orduan.
Iruzkinak
Ez dago iruzkinik
Ordenatu