Turkiak Afrinen 148 zibil hil dituela salatu dute

Berria -

2018ko otsailak 8
AFRIN. Siria barneko Kurdistango Afrin barruti autonomoko Osasun Sailaren arabera, Turkiak gutxienez 148 zibil hil ditu eremu horren aurkako erasoaldia hasi zuenetik —urtarrilaren 20an hasi zuen—. Horietako 26 adingabeak zirela jakinarazi zuen Angela Reso Osasun Saileko arduradunak agerraldi batean. Kurdistango Ilargi Gorria gobernuz kanpoko erakundeak, berriz, adierazi du urtarrilaren 20-31 artean Turkiak sei aire erasotan eginiko «sarraskiak» dokumentatu dituela.

Recep Tayyip Erdogan Turkiako presidentearen bozeramaile batek atzo azaldu zuenez, Rex Tillerson AEBetako Estatu idazkaria datorren astean Turkiara joatekoa da, eta Afringo erasoaldiari buruz eztabaidatuko dute. Turkiak AEBei eskatu die Manbij hiritik tropak erretiratzeko, Ankarak kurduen milizien aurka jo dezan. Atzo, baina, Ryan Dillon AEBen aliantza militarreko bozeramaileak eta Paul E. Funk komandanteak miliziei bisita egin zieten Manbijen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna