ZUZENDARIARI

Kritika Sariaren eskandalua

Josu Landa. -

2015eko apirilak 21
Espainiako Literatur Kritikarien Elkarteak jakinarazi berri ditu 2014ko produkzioari dagozkion sariak. Eta eskandalizatuta irakurri dut narratiba arloari dagokiona.

Ez gara atzo goizekoak, eta eman lezake pertsona bat edo biren txiringito hutsa den sari emate horrek jadanik ez gintuzkeela harritu ere egin behar, bere traiektoria luzean aski frogatua baitu zer den apeta pertsonalaren araberako erabaki ulertezinak hartzea, eta zer den idazleei irain egitea (sariak egileei jakinarazi ere ez baitzaie egiten, soilik hedabideei).

Bistan dena, saritze guztiak oinarritzen dira apeta eta gustu pertsonaletan (Euskadi Sariak edo Beterriko Liburua kasu), baina oraingo hau Kritikaren Saria ei da, eta suposatzen da aintzat hartu behar litzatekeela kritikak oro har zer esan duen liburuoi buruz. Eta, 2014ko narratibari dagokionez, bai argitaratutako kritika kopuru aldetik, bai berorietan emandako iritzi eta balorazioen aldetik, liburu batek alde ikaragarriaz irabazi zuen de facto iaz: Danele Sarriugarteren Erraiak nobelak.

Beharbada ez da kasualitatea Kritika Saria erabakitzen dutenetatik kritikarik argitaratzen duen bakarrak (Javier Rojok alegia, zeren Jon Kortazarrek ez baitu kritikarik argitaratu aspaldion) duela oso gutxira arte publikatu ez izana Erraiaki buruzko berea, hasiera aski esanguratsua duena: «Urtebete inguru pasatua da dagoeneko Danele Sarriugarteren lehenengo nobela agertu zenetik. Momentu hartan Erraiak izenburua zuen liburu horrek zeresan handia sortu zuen gure artean. Orain, nobela honek piztu zuen interesa pixka bat apaldu delarik, idazlan hau perspektiba handiagoz ikus dezakegu [...]».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna