ESK-k salatu du lehen mailako arreta «kolapso» egoeran dagoela

BILBO. Dozenaka osasun langilek elkarretaratzea egin zuten atzo Bilboko Areilza osasun etxearen aurrean, ESK sindikatuak deituta. Egungo egoerak «egiturazko gabeziei» eta «inbertsio faltari» erantzuten diela salatu zuen Rafa Garzon ESK-ko kideak. Gainera, Osakidetzako egoerak «arlo laborala gainditzen» duela esan zuen, eta «arazo soziala eta politikoa» dela nabarmendu. Gaur ere izango dira protestak osasun etxeen aurrean, sindikatuek deituta.