Madrilek onartu du ezingo duela defizita aldatu

Maria Jesus Montero.
Maria Jesus Montero. MARISCAL / EFE

Berria -

2018ko abuztuak 1
MADRIL. Ustel atera zitzaion Espainiako Gobernuari defizit mugak igotzeko lehen saioa. Bruselarekin hitzartu zuen datorren urteko muga %1,8ra igotzea (%1,3tik), baina horretarako botorik ez zuen lortu Kongresuan: defizit txikiagoa eskatu zuten PPk eta Ciudadanosek, eta PSOEren balizko aliatuek ere ez zuten onartu proposamena: Podemosek, motz geratzen zelako, eta talde katalanek, berriz, PSOEk ez zuelako haiekin nahikoa negoziatu.

Porrot horri aurre egiteko, hilabeteko epean beste proposamen bat egingo duela iragarri zuen Maria Jesus Montero Ogasun ministroak, eta horretan sartuko zituela berriro Europako Batzordearekin hitzartutako helburuak. Atzo, baina, onartu zuen saioa ziur aski alferrikakoa izango dela. Sanchezen izendapena onartu zutenen baiezkoa lortuta ere, Senatuan PPk du gehiengo osoa, eta hark argi utzi du ez duela bere botoa inolaz ere aldatuko.

Muga berri horrekin Nafarroak 60 milioi euroko defizita izango zuen 2019an (BPGaren %0,3), eta 225 milioikoa, berriz, Jaurlaritzak. Horrek, ordea, aipatu du ez zuela baliatu nahi muga berria. Maiatzera arte, 128 milioi euroko defizita izan du Nafarroak (%0,62), eta 200 milioiko superabita Jaurlaritzak (%0,54).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna