Odol, ehun eta organo emaile berriak erakartzeko kanpaina Nafarroan

IRUÑEA. Astelehenetik aurrera odol, ehun eta organo emaile berriak erakartzeko kanpaina egingo du Nafarroako Gobernuak, emaile eta hartzaileen elkarteekin batera. Emaileen artean belaunaldi berriak behar direla ohartarazi du jarduneko Osasun kontseilari Fernando Domingezek. Iaz, 41 organo emaile zeuden; hau da, 64,1 emaile milioi bat biztanleko. 2017an baino gutxiago dira: 45 eta 70,3, hurrenez hurren.