Teherango bost erasotzaileak EIk errekrutatutako irandarrak ziren

TEHERAN. Irango Segurtasun Nazionaleko Goi Batzordeak jakinarazi duenez, herenegun Teheranen parlamentuari eta Khomeini aiatolaren mausoleoari eraso egin zieten bost ekintzaileak EI Estatu Islamikoko kideak ziren, bostak irandarrak. Gutxienez hamahiru pertsona hil eta 50 zauritu zituzten; lehen aldia da muturreko talde sunitak eraso bat egin duela herrialde horretan. Irango Atzerri ministro Mohammad Javad Zarifek «nazkagarritzat» jo ditu AEBetako presidente Donald Trumpen adierazpenak; AEBetako presidenteak adierazi zuen Teheranekerasoa ahalbidetu zuela «terrorismoari propaganda» egiteko.