%27ko gainkostua du AHTa Gasteizen sartzeko proiektuak

139 milioi garestitu da AHTa Arabako hiriburuan sartzeko aurrekontua, Espainiako Kontu Auzitegiaren esanetan

Berria -

2019ko otsailak 9
GASTEIZ. AHT abiadura handiko trena Gasteizen eta Espainiako eta Herrialde Katalanetako hainbat hiriburutan sartzeko proiektuetan —sartzea eta geltokiak eraikitzea hartzen ditu aintzat— 7.600 milioi euroko gainkostua dago, Espainiako Kontu Auzitegiak txosten baten bidez azaldu duenez. Gasteizen %27koa da gainkostua, txostenak aztertu duen aldirako.

Tren lasterra Gasteizen sartzeko protokoloa 2010eko martxoaren 5ean hitzartu zuten Espainiako Gobernuak, Eusko Jaurlaritzak, Arabako Aldundiak eta Gasteizko Udalak. 511 milioi euroko aurrekontua iragarri zioten orduan. Geroko proiektuek, baina, 640 milioira igo dute. Gainera, kontu auzitegiak ohartarazi du proiektua gauzatuko ote den «zalantza» dagoela oraindik.

Aldi berean, kontu auzitegiak abisua eman die erakundeei: AHTaren sarrera lur azpikoa izatea oso garestia da, eta aholkua eman dio Sustapen Ministerioari beste aukera batzuk aztertzeko. «Lur azpitik sartzea ez da ezinbestekoa ez zerbitzu on bat eta ez trenbide sarearen funtzionaltasuna bermatzeko».

Urtarrilean sinatu zuten erakundeek Gasteizen lur azpiko lotura garatzeko proiektuaren protokoloa. Horren arabera, 724 milioi euroko proiektua izango da, eta, beraz, kontu auzitegiak txostenean aipatutako gainkostua motz geratuko litzateke jadanik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna