ERROMA. Italiako Gobernuak hainbatetan babestu du Frantziako Jaka Horien mugimendua, eta horrek Parisen pazientzia agortu du. Iragan asteartean, Luigi Di Maio Italiako lehen ministrordea mugimendu horretako kide batzuekin batzartu zen, eta Frantziako Gobernuak «probokaziotzat» jo zuen. Atzo, berriz, Frantziak Italiako bere enbaxadorea kontsultetara deitu zuen auzi horrengatik, eta erabakiak agerian utzi zuen bi gobernuen arteko harremana okertu dela. Horregatik, Matteo Salvini Italiako lehen ministrordeak atzo jakinarazi zuen Emmanuel Macron Frantziako presidentearekin batzartzeko prest dela.
Enbaxadorea kontsultetara deitu ostean, Frantziako Atzerri Ministerioak Italiako Gobernuari eskatu zion, ohar baten bidez, neurriak har ditzala laguntasunean eta errespetuan oinarritutako harremana berreskuratzeko. Di Maiok elkarrizketarako deia egin zion Parisi, baina adierazi zuen asteotako bilera «zilegia» izan zela.
Frantziaren eta Italiaren arteko tentsioa, gora
Iruzkinak
Ez dago iruzkinik
Ordenatu
