MADRIL. 2017ko maiatzean Eusko Jaurlaritzak eta Espainiako Ogasun Ministerioak hitzartutako kupoari buruzko ituna ezagutarazi beharko du Madrilgo gobernuak. Hori egitera behartu du auzitegi batek, itun horri buruzko informazioa eskatu zuen herritar bati arrazoia emanez. Aurreko Ogasun ministroak, Cristobal Montorok, uko egin zion ezagutarazteko eskaerari, baina auzitara jo zuen herritar horrek. Bere lan batzuetarako behar duela argudiatu zuen. Hari emango beharko dio ituna, baita Gardentasunaren Kontseiluari ere.
Nolanahi ere, itun hori aspaldi publikoa dela argitu du Jaurlaritzako Ogasun Sailak. Iazko maiatzean eta ekainean jarri zuen bere webgunean, eta nahi duenak hor ikus dezake zehazki zer eta nola hitzartu zuten. Pedro Azpiazu Ogasun sailburuak uste du salaketaren atzean kupoa kalkulatzeko metodologia auzitan jartzeko saio bat egon daitekeela, eta ziurtatu du halakorik ez duela «onartuko».
Kupoaren ituna publikoa dela dio Jaurlaritzak
Iruzkinak
Ez dago iruzkinik
Ordenatu
