TEL-AVIV. Israelgo herritarrak bosgarrenez deitu dituzte hauteskundeetara lau urte baino gutxiagoko epean. Parlamenturako bozen data zehaztu zuten atzo: azaroaren 1ean egingo dute bozketa. Parlamentua desegin izanak eta bozka berriek herrialdearen krisi politikoa islatzen dute.
Azken gobernua jarduneko bihurtu zen atzo, urtebete eskas iraun duen agintaldiaren ostean. Barne krisiek eragindako blokeoaren ondorioz hartu du gobernuak bozetara deitzeko erabakia.
«Aldaketaren Gobernua» izendatua izan zen hura zortzi indarrek osatu zuten koalizioan. Naftali Bennett ultranazionalistak gidatu du, baina askotariko sektore politikoetako alderdiak izan dira haren kide. Benjamin Netanyahu lehen ministro ohia (2009-2021) boteretik kentzeko helburuak bultzatu zituen gobernu akordio batera.
Parlamentua deseginda, Israel berriz murgilduko da hauteskunde kanpainen tentsioan.
Azaroaren 1ean egingo dituzte bozak Israelen
Iruzkinak
Ez dago iruzkinik
Ordenatu
