JARDUNALDIAK. Hamaika Bide elkarteak nazioarteko batzar bat egingo du gaurtik etzi arte Donostian. 1936ko gerrako erbesteko mitoak aztertuko dituzte batez ere, hainbat unibertsitatetako adituen eskutik: Manuel Aznar Soler, Anastasia Shamarina, Antolin Sanchez Cuervo eta Jose Maria Naharro-Calderon, besteak beste.
Mitoak eta filosofia, erbeste errepublikanoaren mitoak, antzerkiaren mitoak, On Kixoteren erbestea, mito femeninoak eta poetak izango dira jardunaldietan landuko dituzten gai nagusiak. EHUko Carlos Santamaria liburutegian emango dituzte hitzaldiak.
Gainera, gaur, 18:00etan, Jose Angel Askuntze idazle eta literatura kritikariari omenaldi bat egingo diote Gipuzkoako Foru Aldundiaren areto nagusian. Tierra calcinada dokumentala emango dute jardunaldien barruan, Askuntzek presentzia handia izan baitzuen hartan. Sarrera irekia izango da ekitaldi guztietan.
1936ko gerrako erbesteko mitoak ikergai Donostian
Iruzkinak
Ez dago iruzkinik
Ordenatu
