STOCKHOLM. Hauteskundeak egin zituzten irailaren 9an, baina, bi hilabete pasatu ostean, gobernurik gabe jarraitzen dute. Riksdag Legebiltzarrak baztertu duen bigarren hautagaitza da. Irail bukaeran zentsura mozioa galdu zuen Stefan Lofven jarduneko lehen ministro sozialdemokratak, eta parlamentuak atzera bota zuen atzo Ulf Kristersson kontserbadorearen hautagaitza.
Zentro-eskuineko aliantzako bi alderdik, zentristek eta liberalek, kontra bozkatu dute. Ez dituzte onartu nahi SD Suediako Demokratak eskuin muturreko alderdiaren botoak, aliantzak gehiengoa eduki dezan.
Zentristen jarrerak irmoa dirudi. Dena den, Kristerssonek beste hiru aukera izango ditu lehen ministro aukeratua izateko. Dena den, gerta liteke zentristen Annie Loof proposatzea lehen ministro izateko. Halakorik gertatzen ez baldin bada, parlamentua desegin eta ezohiko hauteskundeetara deituko dute.
Gobernua osatu ezinean jarraitzen dute Suedian
Iruzkinak
Ez dago iruzkinik
Ordenatu
